Gure behiak kontu handiz zaintzen ditugu Anoeta eta Altzoko Belardi naturaletan, ganaderitza ekologikoaren arauak jarraituz.

Behiak egunero jezten ditugu, esnearen garbitasuna eta kalitatea bermatuz.

Behi esne gordina eraldatuz produktu ezberdinak sortzen ditugu:
• Jogurt oso naturalak: Hartzigarri laktikoekin eginak.
• Jogurt gaingabetu naturalak: Esne gaina kendu eta hartzigarri laktikoekin eginak.
• Jogurt irabiatua: Jogurt naturalari panela azukrea gehitu eta irabiatuz lortzen da.
• Esne pasteurizatua: Esne gordina 72º tara berotzen da, pasteurizazio prozesuari esker.

Banaketa sistema propioa dugu, gure produktuak ahalik eta egoera onenean iritsi ahal izateko salmenta puntura.

Salmenta gehiena Gipuzkoan barrena egiten dugu, Altzoko esnetegian eta Sarobe eta Berakoetxea baserrietan nagusiki. Olaberriko Etxeberri Goikoa baserriko Aitor eta Judithek ere laguntzen digute zenbait lekutara iristen. Horrez gain jangela, haur eskola, denda txiki, kontsumo talde eta ostalaritzara ere bideratzen ditugu gure elikagaiak.